सुर्खेत। मङ्गलवार जेनजी आन्दोलनकारीहरूले आगो लगाउँदा कर्णाली प्रदेश सभा भवन पूर्ण रूपमा जलेर नष्ट भएको छ। प्रदेश सभाले जानकारी दिएको छ कि सबै संरचना, कार्यालय र सामग्रीहरू जलेर नष्ट भएका छन्।
प्रदेश सभा सचिवालयका कानुन अधिकृत मदन खड्काका अनुसार, सभाको हल, सभामुख तथा उपसभामुखको कार्यकक्ष, सचिवालय भवन र संसदीय समितिका सबै कार्यालयहरूमा आगजनी भएको छ।
खड्काका अनुसार, आगोले सबै कागजात, डकुमेन्ट, रेकर्ड, कम्प्युटर र प्रसारण सामग्रीदेखि अन्य टेक्निकल सामग्री पनि पूर्ण रूपमा नष्ट भएको छ। “यो ठूलो क्षति हो,” उनले भने।
सभाको मुख्य गेटदेखि भित्रका संरचनाहरू पनि तोडफोड गरिएका छन् भने कुर्सी र अन्य फर्निचर समेत क्षतिग्रस्त भएका छन्। जल्ने सबै सामग्री जलेको छ।
सवारी साधन भने सुरक्षित रहेका छन्। उनका अनुसार, ठूला सवारीहरू आन्दोलन अघि नै प्रहरी कार्यालयमा राखिएका कारण जोगिएका छन्, केही साना सवारी मात्र नष्ट भएका छन्। कुल क्षति करिब अर्ब बराबरको आकलन गरिएको छ।
_BLL3mXEBvD-1757490520.jpg)