काठमाडौं। अस्ट्रेलियाको नर्दन टेरिटोरीमा जारी टप इन्ड टी–२० सिरिजअन्तर्गत नेपालले मंगलबार चौथो खेल खेल्दै हुरिक्यान्ससँग भिड्ने भएको छ।
नेपाली समयअनुसार बिहान ११:१५ बजे खेल सुरु हुनेछ। नेपालले यसअघि खेलेका तीनै खेलमा पराजय बेहोरेको छ। पहिलो खेलमा नर्दन टेरिटोरी स्ट्राइकसँग ४२ रनले, दोस्रो खेलमा बंगलादेश ‘ए’सँग ३२ रनले र तेस्रो खेलमा मेलबर्न स्टार्ससँग ३१ रनले हार भोगिसकेको छ।
लगातार हारपछि नेपाल आजको खेल जित्नै पर्ने दबाबमा छ।
नेपाली टोली :
रोहित पौडेल (कप्तान), दीपेन्द्रसिंह ऐरी (उपकप्तान), सन्दीप लामिछाने, कुशल भुर्तेल, आरिफ शेख, आसिफ शेख, कुशल मल्ल, गुलशन झा, भीम सार्की, रुपेस कुमार सिंह, सोमपाल कामी, नन्दन यादव, करण केसी, रिजन ढकाल, लोकेस बम र साहब आलम।
