कपिलवस्तु, १९ जेठ । नेपालमा थप ५ जना कोरोना संक्रमणलाई जितेर घर फर्किएका छन्। सोमबार बिहान कपिलवस्तु नगरपालिकाका ४ जना र विजयनगर गाउँपालिकाका १ जना कोरोना संक्रमणमुक्त भएर घर फर्किएका हुन्।
कपिलवस्तुका कोरोना फोकल पर्सन कुमार थापाका अनुसार उनीहरू रुपन्देहीको भैरहवास्थित भीम अस्पतालमा उपचाररत् रहेका थिए ।
आइतबार पनि कपिलवस्तुका तीन जनाले कोरोना जितेर बुटवल स्थित कोरोना आइसोलेसन अस्पतालबाट घर फर्किएका थिए।
यससँगै कपिलवस्तुमा कोरोना संक्रमणमुक्त हुनेको संख्या २३ पुगेको छ। कुल २ सय ७० संक्रमित रहेको कपिलवस्तुमा अब २ सय ४७ जना विभिन्न आइसोलेसन अस्पतालमा रहेको थापाले जानकारी दिए।
